Søkt verður eftir 1 lærara og 1 námsfrøðiligum stuðulsfólki til skúlaárið 2026/27

Í Porkeris skúla vera uml. 30 næmingar í 1.-7. árgangi komandi skúlaár. Á skúlanum starvast 4 lærarar. Harafturat samstarva vit við Vágs skúla, bæði um lærarar og 7. flokk. Vit leggja stóran dent á at hava ein mennandi og fjølbroyttan skúla, m.a. skipa vit fyri ymiskum tiltøkum á skúlanum og luttaka í kappingum og verkætlanum: 

• First Lego League 

• Betri vinir 

• Pangea 

• Evnisvikur 

• Spæliliðið 

• Lesivikur 

• Útferðir 

Hevur tú hug at gerast partur av okkara starvsfólkahópi, ert tú vælkomin at søkja. 

Hesi størv verða lýst leys at seta frá 1. august 2026: 

1 lærari í tíðaravmarkað starv skúlaárið 2026/27 vegna lækkað tímatal og avlopstímar, tímatalið verður endaliga ásett eftir 1. sept. 

1 námsfrøðiligum stuðulsfólki til 400 árstímar (uml. 10 klokkutímar um vikuna). Starvið verður lønt eftir sáttmálanum hjá Pedagogfelagnum. 

Tey, ið sett verða, skulu: 

• vera fyrikomandi, jalig og duga væl at samstarva. 

• vera stundislig og nærløgd. 

• vilja taka á seg spennandi, avbjóðandi og mennandi uppgávur í skúlanum. 

• taka lut í dagliga arbeiði skúlans undir ábyrgd leiðslunnar og vera við til áhaldandi at menna skúlan. 

Førleikakrøv til lærarastørvini: 

Læraraútbúgving. 

Vit sóknast eftir lærara, sum kann undirvísa í føroyskum, støddfrøði, donskum, náttúru og tøkni, handaverk og list, kristni, heimsstaðarlæru og ítrótti. Eisini sóknast vit eftir lærara, sum vil taka ein virknan leiklut í “Betri vinir" verkætlanini í grunddeildini. 

Størvini verða sett sum sáttmálasett størv, uttan so, at tann sum settur verður, er tænastumannasettur lærari frammanundan. 

Størvini verða lønt sambært avtalu millum Føroya Lærarafelag og Fíggjarmálaráðið í lønarflokkinum 18.1-29.2. Barnaváttan verður kravd í samband við setanina. 

Meira fæst at vita um størvini frá Beintu Gudfinnsdóttir Jacobsen, skúlastjóra á tlf. 276869. 

Umsóknir, saman við c.v. og avriti av prógvum, skulu vera skúlastjóranum í hendi í seinasta lagi tórsdagin 4. juni 2026 kl. 14. Umsóknir kunnu sendast til beinta.g.jacobsen@skulin.fo ella 

Porkeris skúli, Gjørðabrekka 10, 950 Porkeri